«Жаратылыстану» және «Дүниетану» сабақтарында жобалап оқыту арқылы бастауыш сынып оқушыларының зерттеу біліктері мен дағдыларын дамыту тақырыбындағы облыстық семинар

«Өрлеу» біліктілікті арттыру ұлттық орталығы» Акционерлік қоғамының Ақмола облысы бойынша кәсіби даму институт филиалында бастауыш сынып мұғалімдері курс өтуіне байланысты  практикалық тұрғыда іс-тәжірибе алмасу мақсатында 04.05.2022 ж. М.Ғабдуллин атындағы №3 мамандандырылған гимназия базасында облыстық семинар өтті. Тақырыбы: «Жаратылыстану» және «Дүниетану» сабақтарында жобалап оқыту арқылы бастауыш сынып оқушыларының зерттеу біліктері мен дағдыларын дамыту. Осыған орай жаратылыстану бағытындағы пәндер мұғалімдері курска қатысушылармен «Activities.Жаратылыстану пәні бойынша қызықты тәжірибе» топтық жұмыстар ұйымдастырды. Атап айтсақ, физика мұғалімі С.К.Искакова  «Жарықтың сынуы», «Газдың әсерінен күштің пайда болуы», «Дененің ауырлық центрін тап», биология мұғалімі А.Хоршат «Бананнан ДНК алу», химия мұғалімі Б.С.Касымов «Қышқылдар мен сілтілерді анықтау»  әр түрлі табиғи құбылыстарын тәжірибие жүзінде қатысушылармен зертханалық жұмыстар өткізді. Мұғалімдер жақсы әсер алып,пікірлерін айтты.